ഒരു സ്പെഷ്യൽ മത്തി റെസിപ്പി നോക്കിയാലോ. മത്തി കുക്കറിൽ ഇട്ട് രണ്ട് വിസിൽ സംഭവം സൂപ്പറാ; മത്തി കുരുമുളകിട്ടത് | mathi kurumulakittath

mathi kurumulakittath : “ഒരു സ്പെഷ്യൽ മത്തി റെസിപ്പി നോക്കിയാലോ. മത്തി കുക്കറിൽ ഇട്ട് രണ്ട് വിസിൽ സംഭവം സൂപ്പറാ; മത്തി കുരുമുളകിട്ടത്” മത്തി കുരുമുളകിട്ട് തയ്യാറാക്കിയാൽ അതിന്റെ രുചി ഒന്ന് വേറെ തന്നെയാണ്. നല്ല എരിവും കുരുമുളകിന്റെ പ്രത്യേക മണവും ചേരുമ്പോൾ ചോറിനൊപ്പം കഴിക്കാൻ അടിപൊളി വിഭവമായി ഇത് മാറും. നമുക്കും എളുപ്പത്തിൽ തയ്യാറാക്കാവുന്ന ഈ സ്പെഷ്യൽ കുരുമുളകിട്ട മത്തി ഒന്ന് പരീക്ഷിച്ചാലോ? ഇത് തയ്യാറാക്കുന്നതിന് ആവശ്യമായ സാധനങ്ങൾ എന്തൊക്കെയാണ് എന്ന് താഴെ പറയുന്നുണ്ട്.

mathi kurumulakittath ingredients

• mathi/chala-5
• coconut oil-3tbsp
• fenugreek powder -2 pinch
• curry leaves
• salt
• pepper powder_1
• tbsp
• turmeric powder-1/2tsp
• chilli powder-1/2tsp
• tamarind water-1/4cup

ആദ്യം അഞ്ച് മത്തി എടുത്ത് വൃത്തിയാക്കി മുറിച്ച് കഴുകി വരഞ്ഞു മാറ്റിവെക്കുക. ഇതിലേക്ക് ഒരു ടേബിൾസ്പൂൺ കുരുമുളകുപൊടി, അര ടീസ്പൂൺ മഞ്ഞൾപ്പൊടി, ആവശ്യമെങ്കിൽ നിറത്തിനായി അര ടീസ്പൂൺ കാശ്മീരി മുളകുപൊടി, ആവശ്യത്തിന് ഉപ്പ് എന്നിവ ചേർത്ത് നന്നായി പുരട്ടി പത്ത് മിനിറ്റ് മാറ്റിവെക്കുക. കുരുമുളക് അപ്പോൾ തന്നെ പൊടിച്ചെടുക്കുന്നതാണ് കൂടുതൽ രുചി ലഭിക്കാൻ നല്ലത്.

ഇനി ഒരു കുക്കർ അടുപ്പത്ത് വെച്ച് ചൂടാകുമ്പോൾ മൂന്ന് ടേബിൾസ്പൂൺ വെളിച്ചെണ്ണ ഒഴിക്കുക. അതിലേക്ക് രണ്ട് നുള്ള് ഉലുവപ്പൊടിയും കുറച്ച് കറിവേപ്പിലയും ചേർക്കുക. ശേഷം മത്തി ഓരോന്നായി നിരത്തിവെച്ച് കാൽ കപ്പ് പുളിവെള്ളം ഒഴിക്കുക. കുക്കർ അടച്ച് ഹൈ ഫ്ലെയിമിൽ രണ്ട് വിസിൽ വരുന്നതുവരെ വേവിക്കുക. കൂടുതൽ ചാറ് ആവശ്യമെങ്കിൽ പുളിവെള്ളത്തിന്റെ അളവ് കൂട്ടാം. ഇതാ, രുചികരമായ സ്പെഷ്യൽ കുരുമുളകിട്ട മത്തി തയ്യാർ. ചൂടുചോറിനൊപ്പം വിളമ്പി കഴിച്ചുനോക്കൂ! mathi kurumulakittath Video Credit : Jas’s Food book