easy wheat dosa : ഗോതമ്പ് പൊടി ഉപയോഗിച്ച് വളരെ എളുപ്പത്തിൽ തയ്യാറാക്കാവുന്ന ഒരു വിഭവമാണ് ഗോതമ്പ് ദോശ. സാധാരണ ഗോതമ്പ് ദോശ മൃദുവായിട്ടാണ് ലഭിക്കാറുള്ളത്. എന്നാൽ ചില കാര്യങ്ങൾ ശ്രദ്ധിച്ചാൽ വീട്ടിൽ തന്നെ നല്ല ക്രിസ്പിയായ ഗോതമ്പ് ദോശ തയ്യാറാക്കാം. രാവിലത്തെ പ്രഭാതഭക്ഷണത്തിനും വൈകുന്നേരത്തെ ചായയ്ക്കൊപ്പവും ഇത് കഴിക്കാം.
ആവശ്യമായ ചേരുവകൾ: ഒരു കപ്പ് ഗോതമ്പ് പൊടി, കാൽ കപ്പ് അരിപ്പൊടി, ആവശ്യത്തിന് ഉപ്പ്, രണ്ട് കപ്പ് വെള്ളം, ഒരു ചെറിയ സവാള ചെറുതായി അരിഞ്ഞത്, പച്ചമുളക് അരിഞ്ഞത്, കുറച്ച് കറിവേപ്പില, അര ടീസ്പൂൺ ജീരകം, ആവശ്യത്തിന് എണ്ണ എന്നിവയാണ് വേണ്ടത്. അരിപ്പൊടി ചേർക്കുന്നതും നേർത്ത മാവ് തയ്യാറാക്കുന്നതും ദോശ കൂടുതൽ ക്രിസ്പിയാകാൻ സഹായിക്കും. ചൂടോടെ തേങ്ങാച്ചമ്മന്തിയോടോ സാമ്പാറിനോടോ കൂടി വിളമ്പാം. സവാള തുടങ്ങിയ ചേരുവകൾ ചേർക്കുന്നതിലൂടെ കറിയില്ലാതെയും ദോശ കഴിക്കാം. ഇത് തികച്ചും ഓപ്ഷണൽ ആണ്.
തയ്യാറാക്കുന്ന വിധം: ആദ്യം ഒരു പാത്രത്തിൽ ഗോതമ്പ് പൊടിയും അരിപ്പൊടിയും ഉപ്പും ചേർത്ത് നന്നായി ഇളക്കുക. ഇതിലേക്ക് വെള്ളം കുറേശ്ശെയായി ഒഴിച്ച് കട്ടകളില്ലാതെ കലക്കിയെടുക്കണം. ദോശമാവിന് സാധാരണ ദോശമാവിനേക്കാൾ അൽപ്പം നേർത്ത പരുവമാണ് വേണ്ടത്. അതിനുശേഷം അരിഞ്ഞ സവാള, പച്ചമുളക്, കറിവേപ്പില, ജീരകം എന്നിവ ചേർത്ത് നന്നായി യോജിപ്പിക്കുക. നിങ്ങൾക്ക് താല്പര്യമുണ്ടെങ്കിൽ മാത്രം സവാള ഒകെ ചേർത്താൽ മതി. അല്ലെങ്കിൽ ഒഴിവാക്കാവുന്നതാണ്. മാവ് ഏകദേശം 10 മുതൽ 15 മിനിറ്റ് വരെ മാറ്റിവെക്കാം.
ഇനി ഒരു ദോശക്കല്ല് നന്നായി ചൂടാക്കുക. കല്ല് ചൂടായിക്കഴിഞ്ഞാൽ മാവ് അരികുകളിൽ നിന്ന് നടുവിലേക്ക് ഒഴിക്കുന്നതിനു പകരം നേർത്ത രീതിയിൽ പരത്തിയൊഴിക്കുക. ദോശയുടെ അരികുകളിലും മുകളിലും കുറച്ച് എണ്ണ തൂവുക. മിതമായ തീയിൽ ദോശയുടെ അടിഭാഗം ഗോൾഡൻ ബ്രൗൺ നിറമാകുന്നതുവരെ വേവിക്കുക. മറിച്ചിടേണ്ട ആവശ്യമില്ലെങ്കിൽ ഒരു വശം മാത്രം നന്നായി മൊരിച്ചെടുക്കാം. easy wheat dosa Video Credit : Chitroos recipes
Comments are closed.